Зәй районында юллар яңара

Әлеге юлда төзекләндерү эшләре “Инфрастуктура” илкүләм программасы буенча алып барыла.

Халык телендә “Баграж юлы” дип йөртелүче бу юл бик начар хәлдә иде. Шуңа күрә ремонтны бу юлдан үтеп йөрүчеләр күптәннән көтте. 

Зәй –Сарман юлында капиталь ремонт эшләрен “Волга – Автодор” ҖЧШ алып бара. Бу участокта 1,6 километр озынлыкта юл төзекләндерелә.

Юлчылар эшкә 1 июньдә кереште.  Иске асфальт катламын кисеп, вак таш, ике кат асфальт җәйделәр. Тулы конструктивта  съездлар эшләнә. 

Бүген юлчылар әлеге участокта юл кырыйларын тәртипкә китерү белән мәшгуль. Аннан соңгы штрих–разметкалар сызылачак.

Шундый яхшы юл өчен биредән узып йөрүчеләр республика,  район җитәкчелегенә дә, юлчыларга да бик рәхмәтле.

Автор фотолары