18 сентябрьдә Зәй шәһәреннән Фаршатовлар гаиләсе Россия Дәүләт Думасы депутатларын сайлауда катнашты.
Рамил белән Алсу шәһәрнең, республиканың һәм илнең киләчәген билгеләүдә үз өлешләрен кертер өчен сайлау участогына килделәр.
Рамил Фәнисович — билбаулы көрәш буенча Россиянең спорт мастеры һәм «Зәй» спорт мәктәбе җитәкчесе. Аның эше районда спортны үстерүгә юнәлтелгән; моннан тыш, ул үзе дә республика һәм бөтенроссия дәрәҗәсендәге ярышларда катнашып, Зәй һәм Татарстан данын яклый.
Алсу Таһировна — балалар бакчасында физик культура инструкторы. Ул сабыйларда хәрәкәткә һәм сәламәт яшәү рәвешенә мәхәббәт тәрбияли, шулай ук аларда дисциплина һәм максатчанлык сыйфатларын үстерә.
Фаршатовларның сайлауларда катнашуы — аларның ил тормышына битараф булмауларының күрсәткече. «Без илебезнең якты киләчәгенә ышанабыз һәм үз гражданлык бурычыбызны үтәдек» — дип билгеләп үтте алар.
Нет комментариев