Бигеш авылы мәдәният йортында урнашкан 1460нчы сайлау участогында иртәнге сәгать сигездән актив тавыш бирү бара.
Сайлаучыларның күп өлеше иртәдән төшкә кадәр: башта – зур мөһим эшләр, аннары үзебезнең көндәлек эшләр өчен принцибы буенча тавыш бирәләр.
Сайлауларга гаиләләре белән дә киләләр. Алар арасында – Бигеш мәдәният йортының сәнгать җитәкчесе Рамилә Биктимерова һәм аның тормыш иптәше Рамил.
-Без үз гражданлык бурычыбызны үтәүдән бер дә читтә калмыйбыз. Киләчәк үзебездән тора бит. Балаларыбыз Түбән Камада яшиләр. Алар да сайлауларда үз тавышын бирәчәк. Оныкларыбызның якты киләчәге өчен тавышыбызны бирдек, - ди Биктимеровлар.
Биктимеровлар сайлауларга күршеләре Илнур белән Фәридә Маликовлар белән бергә бәйрәмгә барган кебек барган.
-Сайлауларга һәрвакыт җаваплылык белән карыйбыз һәм гаиләбез белән катнашабыз, - ди Маликовлар да.
Нет комментариев