13 мартта Зәй балалар музыка мәктәбендә флейта классы укытучысы, Татарстанның атказанган мәдәният хезмәткәре, Чаллы сәнгать көллиятенең “Тынлы оркестр һәм удар инструментлар» бүлеге мөдире Елена Плюснинаның “Флейтаның сөйкемле тавышы” мастер-классы һәм концерты үтте.
Концертта 7нче балалар сәнгать мәктәбе укучысы Аделина Мусина, Чаллы көллиятенең 4 курс студенты Анна Харитонова, Бөтенроссия һәм Халыкара конкурслар лауреаты, концертмейстер Диана Харитонова чыгыш ясады. Флейта тавышлары, чыннан да, тамашачыларны сокландырды, концерт бер сулышта узды.
-Без яшь музыкантларга, педагогка рәхмәтле, алар безгә чын сәнгать бәйрәме бүләк иттеләр һәм алга таба да хезмәттәшлеккә өметләнәбез, - ди музыка мәктәбе директоры Дина Коронова.
Фото музыка мәктәбеннән.
Нет комментариев