Шахмат-шашка уены осталары ачыкланды

Командалар арасында шашка буенча ГРЭС — I, «Техно» заводы — II, «Зәй шикәре» заводы — III урыннарны алдылар. Шәхси беренчелектә хатын-кызлардан мәгариф идарәсе методисты Лилия Гатинага тиңнәр булмады. Ир-атлардан «Зәй шикәре» заводы хезмәткәре Айдар Шәйдуллин беренчелекне бирмәде. Шахмат уеннарында ГРЭС командасы шулай ук беренче, «Зәй шикәре» — икенче, «Техно» — өченче. Шәхси беренчелектә мәгариф идарәсеннән Айгөл Волкова, Айдар Шәйдуллин җиңүчеләр.