Батырлык ордены белән бүләкләнгән Зәй егете туган якка кайтты

Бүген батыр егет Зәйгә кайтты. Аны биредә гаиләсе, якыннары каршы алды. Очрашу-күрешү шатлыгыннан барысының да күзләре яшьләнде.

— Якыннарым белән күрешү көннәрен бик көттем. Туган якның һавасы да башкача. Рәхмәт мине каршы алучыларга, котлаучыларга, — диде Георгий Михайлович.

Георгий Борисов — Зәй егете. Ул узган көз мобилизация игълан ителүнең беренче көннәреннән Ватан иминлеген сакларга китте. Хәрби юнәлештә ныклы тәҗрибәсе бар, армия хезмәтенә чакырылгач, ярты елдан соң контракт буенча хезмәт итүен дәвам иткән. Алар тормыш иптәше Эльмира белән ике ул үстерәләр. 

— Махсус хәрби операциядә катнашучы башка егетләрнең дә туган якларга исән-имин кайтуларын, дөньяларның тыныч булуын телим, — ди Георгий.