Яз ашыктыра: санитар-экологик чистарту өмәләрен башларга кирәк
Яз үз хокукларын алды. Кояш турырак һәм җылырак карый башлау белән районда язгы санитар чистарту өмәләре башлана.
Чөнки яз җитү белән кыш буе кар астында күренми яткан чүп-чар баш калкыта башлый. Кыштан соң табигать уяна, тирә-якны тәртипкә китерү, төзекләндерү вакыты җитә.
Ел саен 1 апрельдән 31 майга кадәр Татарстанда санитар-экологик икеайлык үткәрелә. Зәй районында ул кар таратудан башлана.
Быел яз иртә килде һәм фаразлар буенча апрельгә кадәр кар эреп бетәчәк, димәк, санитар көннәрдә – чәршәмбе һәм җомга көннәрендә предприятие-оешмаларга, учреждениеләргә үзләренә беркетелгән территорияләрне җыештыруга керешергә вакыт. Бу хакта санитар-экологик икеайлыкны оештыруга багышланган киңәшмәдә сөйләшү булды.
Санитар-экологик икеайлык вакытында рөхсәтсез чүплекләр бетерелеп, зиратларда контейнерлар ремонтланып урнаштырылачак. Җәйгә таба газоннарны, чәчәклекләрне, скверларны төзекләндерү һәм яшелләндерү эшләре планлаштырылган.
Айгөл Яруллина фотосы
Следите за самым важным и интересным в Telegram-каналеТатмедиа
Нет комментариев