Бүген православие динен тотучыларның «Радоница» бәйрәме.
Ул Пасха артыннан икенче атнаныӊ сишәмбе көнендә билгеләп үтелә. Халык телендә бу көн «родительский» дип тә атала.
Шушы көнгә кадәр кешеләр туган-тумачаларының кабер өстен тәртипкә китерә, чардуганнарын буйый, рәтли, төзәтә, кыштан чыккан корган үләннәрне тырмалый, чәчәкләр утырта.
Без Зәйнең Яңа шәһәр зиратында булдык. Бирегә иртәдән үк халык килеп, якыннарын искә ала.
-Мин Чаллы шәһәрендә яшим. Ел да Зәйгә Радоница бәйрәменә кайтып, зиратка әти-әнием, якыннарымның каберенә барам, аларны искә алып, иман укыйбыз, - ди Ольга Волочай.
-Бүген Пасха шатлыгын үлгәннәр белән бүлешә торган көн. Ел да бу көнне зиратка барып, әти-әниләребез рухына дога кылабыз, - ди ирле-хатынлы Большаковлар.
Кулларына чәчәк, буялган йомырка, коймаклар тоткан халык зиратка килә, китә тора.
Нет комментариев