Зәйнең Сөббух Рәфыйков исемендәге үзәк китапханәсендә Әтиләр көненә багышланган бәйрәм чарасы узды.
Бәйрәмгә махсус хәрби операция ветераны Никонов Николай һәм Төньяк Кавказдагы сугыш хәрәкәтләрендә катнашкан Павлов Юрий килде. Алар 3нче мәктәпнең III сыйныф укучылары белән очрашты.
Атмосфера чын-чынлап җылы булды. Николай белән Юрийга аерым игътибар бирелде - алар зур энтузиазм һәм юмор белән барлык конкурс биремнәрен дә үтәделәр. Әтиләр курчакны бик оста итеп төрделәр, кызларның толымнарын пөхтә итеп үрделәр, бәрәңге чистарттылар, хәтта төймә дә тактылар.
Әтиләр җылылык һәм җиңелчә сагыну белән үзләренең балачагы турында сөйләделәр. Алар әлегә кадәр үзләренең беренче укытучыларының исемнәрен хәтерли икән, һәм елмаеп яраткан мәктәп предметларын атадылар — нәкъ менә алар буенча кайчандыр яхшы билгеләр алганнар.
Бәйрәм азагында барысын да «Музыкаль эшләпә» дигән күңелле уен көтә иде. Әтиләр дә читтә калмадылар: эшләпә аларның башларына да күчте.
Нет комментариев