Үзәк массакүләм мәгълүмат чараларында инде сезонлы кискен респиратор вируслы инфекция белән авыручыларның кайбер төбәкләрдә күпләп ачыклануы турында язалар.
Шуңа да тиз көннәрдә профилактик чараларны күрә башлау мөһим. Ә иң ышанычлысы гриппка каршы вакцинация ясату, диләр белгечләр.
Зәй үзәк дәваханәсенә 4020 доза вакцина кайтартылган. Аның 1260 данәсе – балалар, 2760 данәсе өлкәннәр өчен.
«Бу сезонда без барлыгы 30 800 кешегә вакцина ясарга планлаштырабыз. Шуларның 5 980е – балалар, 24 820се – өлкән кешеләр. Иң беренче чиратта прививка ясату 60 яшьтән өлкәннәргә, балаларга, сәламәтлеге буенча куркыныч төркемендәге кешеләргә һәм йөкле хатын-кызларга кирәк. Гомумән, саклану, профилактик чаралар күрү беркемгә дә комачауламый. Без теләгән һәркемне үзәк дәваханәдә прививкалар ясау кабинетында көтеп калабыз”, - ди дәваханәнең табиб –эпидемиологы Резидә Абзалова.
Нет комментариев