Тимурның Яңа ел теләге тормышка ашты

 Социаль хәле кыенрак булган гаиләләрдә тәрбияләнүче балаларның Яңа ел теләкләрен тормышка ашыруга юнәлтелгән әлеге чарада балалар да, хәйриячеләр дә теләп катнаша. Әлеге акция ярдәмендә күп кенә сабыйларның якты теләкләре тормышка ашты. Бу көннәрдә Зәйдә яшәүче Тимур Тимофеев та үзенең Яңа ел теләге тормышка ашуга шатлана. Тимур Кыш бабайга хат язып, аны “Теләкләр чыршысы” акциясендә катнашу өчен юллаган. ТР Дәүләт Советы "Чыршы бәйрәме"ндә аның хатын ачканнар, Тимур анда смартфон телефонлы буласы килү теләге турында язган булган. Малайга үзе теләгән Яңа ел бүләген ТР Дәүләт Советы депутаты Николай Нефедов тапшырды.

Фото шәхси архивтан