Зәй шәһәр прокуроры авыл җирлекләрендә кабул итә
Бу көннәрдә прокурорга үзләрен кызыксындырган сораулар белән Зәй районының Ал. Бистәсе, Яңа Спасс һәм Урсай авылы кешеләре мөрәҗәгать итә ала.
18 майда Зәй шәһәр прокуроры Сергей Урванцев көндезге сәгать икедән өчкә кадәр Ал. Бистәсе халкын кабул итә. Очрашу Ал. Бистәсе Үзәк урамында 3нче йортта урнашкан җирлек башкарма комитеты бинасында үтәчәк.
Шул ук көнне көндезге сәгать өчтән дүрткә кадәр Яңа Спасс авылындагы (Клубная урамы) башкарма комитет бинасында да сораулар буенча җирлек халкын кабул итүләр оештырыла.
Ә көндезге сәгать дүрттән бишкә кадәр Урсай авылында халыкны прокурор кабул итүләре була. Сораулар белән прокурорга Урсай авылы Үзәк урамы 5нче йорт адресы буенча урнашкан авыл җирлеге башкарма комитетына мөрәҗәгать итәргә кирәк.
Следите за самым важным и интересным в Telegram-каналеТатмедиа
Нет комментариев