Узган атнада район эчке эшләр бүлегендә урлашу очраклары теркәлгән.
18 сентябрьдә бүлеккә Зәйдә яшәүче 30 яшьлек хатын-кыздан гариза кергән. Аның шәһәрнең Октябрь урамында барсеткасын урлаганнар. Ә барсетка эчендә телефоны булган.
“Хәзерге вакытта әлеге җинаять очрагы буенча тикшерү эшләре бара”, - дип хәбәр итәләр район эчке эшләр бүлегеннән.
20 сентябрьдә полициягә бер хатын-кыз шәһәрдә әтисенең балалар бакчасы янында калдырылган автомобиленнән портмонесын урлаулары турында хәбәр керә. Портмонеда машина йөртү таныклыгы, банк картасы һәм 3000 сум акча була.
“Тикшерү-оператив төркем хезмәткәрләре оператив-эзләү чараларын үткәрү барышында 2нче мәктәптә укучы ике балигъ булмаган баланың җинаять кылуга катнашы барлыгын ачыклады”, - дип хәбәр итәләр полициядән.
Нет комментариев