Зәйдә яшәүче пенсионер алты миллионнан артык акчасын мошенникларга күчергән

12 мартта Зәйдә яшәүче бер ир-аттан “Телеграм” мессенджерын кулланып, Дәүләт хезмәтләре порталында шәхси кабинетын ватулары,  персональ мәгълүматлары белән 52100 сумлык микрозайм рәсмиләштерүләре турында гариза керә.

Ә икенче бер зәйленең мобиль банкына үтеп кереп, 163 мең сумлык кредит рәсмиләштергәннәр.

8 мартта полициягә Зәйдә яшәүче пенсионер ханым мөрәҗәгать итә. 19 февральдән 8 мартка кадәр арада аңа билгесез кешеләр шалтыратып, инвестицияләрдә акча эшләргә тәкъдим итәләр һәм пенсионер аларга ышанып, 6075000 сум акчаны билгесез счетларга күчерә. Зыян күрүче туплаган акчасыннан гына колак какмаган, ә төрле банкларда кредитлар рәсмиләштергән һәм үз танышларыннан бурычка алган.

“Әлеге факт буенча җинаять эше кузгатылды, аны кылуда катнашы булган затларны билгеләү буенча оператив-техник чаралар үткәрелә”, - дип хәбәр итәләр полициядән.