Үз һөнәренә бирелгән педагог шигъри юллар белән бүлешә.
Үткәнгә борылып карыйм да...
Барлыймын кичелгән елларым.
Минеке барысы, Ходайдан
Язмышка язылган юлларым.
Киләчәк билгесез, Бары тик
Ышаныч-өметем янәшә.
Кешене бәхеткә юраган
Шул өмет-ышаныч яшәтә.
Бүгенгем (мең рәхмәт) канәгать.
Янымда
Яшьлектә сайлаган тиң парым.
Балалар, оныгым-кызчыгым-
Шулардан кадерле ни тагын?
Сайлаган һөнәрем-мең ләззәт
Дәрестә утырган сабыйлар.
Яратып, ышанып, елмаеп
Күземә тутырып карыйлар.
Төрлесе булды ла юлымда...
Барыбер
Сөенеч-шатлыгым күб(е)рәк
Ашыкмый, гел шулай бер көйгә
Җай гына тип әле син,ЙӨРӘК!
Бәйрәм белән һәр барчабызны. Илләр-көннәр тыныч, күкләребез аяз булсын)
Рәмзия Җиһаншина, татар теле укытучысы.
Нет комментариев