Рәмзия Җиһаншина: “Җаннарда булсын тик тынычлык”

Тышта яз. Буранлы, ак карлы
Бүгенге бу бәйрәм иртәсе.
Кар күмгән сукмаклар ачылыр,
Юлларның булмасын киртәсе.

Тышта яз. Эре кар бөртеге
Сәламли без - гүзәл затларны.
Сөенеч китерсен балалар,
Чәйләрнең гел булсын кайнары.

Тышта яз. Түбәдән тып та тып
Тамалар тамчылар. Бу - бәйрәм тамчысы.
Сөелсен һәм сөйсен хатын-кыз,
Булмасын хыянәт ачысы.

Тышта яз. Әкияти аклыкта -
Тамчысы, ак кары, бураны.
Җаннарда булсын тик тынычлык,
Булмасын җилләре, давылы.

Фото шәхси архивтан.