Зәйнең спорт өлкәсендә эшләүчеләре бадминтон буенча ярышты

Ярышларның төп максаты булып, спорт оешмаларында эшләүчеләрне актив физик культура һәм спорт белән шөгыльләнүгә җәлеп итү, спортның бадминтон төрен популярлаштыру тора.
Катнашучылар арасында I урынны ир-атлар арасыннан Камран Әсәдов, II урынны Михаил Сапаев, III урынны Михаил Комендантов алды. Алар өчесе дә “Барс” спорт мәктәбе тренерлары. Хатын-кызлар арасыннан I урынны “Зәй” спорт мәктәбеннән Рәмилә Әсәдова, II урынны спорт идарәсенең әйдәп баручы белгече Эльвина Хәйруллина, III урынны “Барс” спортмәктәбе тренеры Гүзәл Мирзаһитова яулады.
Фото спорт идарәсеннән