Кышкы каникуллар вакытында “Йөзәргә өйрәтү” республика проектын тормышка ашыру кысаларында Зәйнең 190 мәктәп укучысы физик культура укытучылары җитәкчелегендә спорт-сәламәтләндерү комплексы бассейнында булды.
- Йөзү - спортның иң популяр төрләренең берсе, өстәвенә, ул халыкның төрле яшьтәге төркемнәрен сәламәтләндерү һәм физик тәрбия буенча социаль программаларның төп бүлекләреннән берсе булып тора. Әмма иң мөһиме, йөзә белү-бик кирәкле күнекмә, - ди мәгариф идарәсе методисты Лилия Гатина.
"Йөзәргә өйрәтү" проекты Татарстанда 2016 елның октябреннән гамәлгә ашырыла башлады. Шул вакыттан алып Зәй мәктәпләре укучылары класстан тыш эш кысаларында, ягъни каникуллар вакытында, спорт-сәламәтләндерү комплексы бассейнында йөзәргә өйрәнәләр.
Фотолар спорт идарәсеннән
Нет комментариев