Зәй студентларын беренче ярдәм күрсәтү күнекмәләренә өйрәттеләр
Укуларны «Россия Кызыл Хачы » волонтерлары үткәрде.
22 ноябрьдә Зәй политехник көллиятендә «Россия Кызыл Хачы» Бөтенроссия иҗтимагый оешмасы волонтерлары студентларны беренче ярдәм күрсәтү күнекмәләренә өйрәттеләр. Беренче чиратта укуларны «Юриспруденция», «Хокук саклау эшчәнлеге», «Авыл хуҗалыгы техникасын һәм җайланмаларын эксплуатацияләү һәм ремонтлау» юнәлешләре буенча белем үзләштерүче студентлар узды, чөнки һөнәри эшчәнлекләрендә аларга беренче ярдәм күрсәтә белергә кирәк булачак.
Волонтерлар җитәкчелегендә студентлар йөрәк-үпкә реанимациясен үткәрергә, кан китүне туктатырга һәм махсус манекеннарда күнегүләр ясап, яраларны дөрес бинтларга өйрәнделәр.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев