Бохарай ФАПында булачак әниләр белән әңгәмә үткәрелде

ФАП фельдшеры  Зинаида  Чернова “Йөклелеккә җаваплы караш” темасына авылның яшь хатын-кызлары белән сөйләште.

Чара тере диалог форматында узды. Әңгәмә барышында фельдшер ана булуга әзерлекнең төп аспектларына кагылды:

•  Планлаштыру: ни өчен йөклелеккә алдан әзерләнү, тиешле тикшерүләр узу һәм балага узганчы сәламәтлек белән бәйле барлык сорауларны «ябу» мөһим.
• Яшәү рәвеше: зарарлы гадәтләрнең, туклануның һәм көн режимының сәламәт яралгы формалашуга йогынтысы турында.
•  Иртә исәпкә кую: ни өчен хатын-кызлар консультациясенә баруны озакка сузмаска һәм ничек иртә күзәтү катлаулануларны булдырмаска ярдәм итә.
•  Психологик кәеф: тынычлыкның, якыннарыңа ярдәм итүнең һәм уңай фикерләүнең мөһимлеге турында.

Кызлар фельдшерны зур игътибар белән тыңладылар, нинди витаминнар кабул итәргә, токсикоз белән ничек көрәшергә һәм сабыйның сәламәтлегенә нинди факторлар йогынты ясый алуы турында сораулар бирделәр.

Бохарай ФАПында мондый профилактик әңгәмәләр күркәм традициягә әверелде. Авылда яшәүче яшь хатын-кызлар биредә квалификацияле медицина ярдәме генә түгел, аларга чын күңелдән сәламәтлек һәм яхшылык теләгән кешедән акыллы киңәш тә ала алуларын беләләр.

Айгөл Яруллина фотосы