Бәйрәм салатлары күпме сакланырга тиеш?
Россия Кулланучы хокукларын яклау һәм кеше иминлеге өлкәсендә күзәтчелек федераль хезмәтенең (Роспотребнадзор) ТР буенча идарәсе республика халкын Яңа ел бәйрәмнәрендә азык-төлек белән агулану куркынычлары турында кисәтте.
Белгечләр бәйрәм табынындагы ризыкларны саклау срокларын искә төшерде: майонезсыз салатларны 12 сәгатьтән артык, майонезлы салатларны — 6 сәгатьтән артык сакларга ярамый; койка (холодец) 12 сәгатькә кадәр, ә кыздырылган яки мичтә пешерелгән тавык суыткычта 36 сәгатькә кадәр сакланыга мөмкин.
Моннан тыш, белгечләр артык ашамаска, азык-төлекне бары тик ышанычлы урыннардан гына сатып алырга һәм аларның яраклылык срокларын тикшереп торырга киңәш итә. Аш бүлмәсендә гигиенаны саклау да мөһим: кулларны, яшелчәләрне, җиләк-җимешләрне һәм яшел үләннәрне яхшылап юарга, чимал һәм әзер ризыклар өчен аерым такталар кулланырга, шулай ук ризыкларны тиешле температурада сакларга кирәк.
Чыганак:Татар-информ
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев