Зәйнең “Салават күпере” балалар бакчасында туган телләр көнен билгеләп үттеләр
21 февральдә дөньякүләм туган тел көне билгеләп үтелә. ЮНЕСКО тарафыннан игълан ителгән әлеге халыкара бәйрәм дөньядагы телләрне саклау, аларны киләчәк буынга исән-имин җиткерү макстатыннан оештырыла.
Ел саен бу көнне “Салават күпере” балалар бакчасы кызыклы чаралар оештыра. Быел да балалар төрле милләт кемнәрен киеп кызыклы уеннар уйнадылар.
-Бәйрәмгә кунак булып “Дәү әни” дә килгән иде. Ул балаларга Габдулла Тукайның “Су анасы ” әкиятен сөйләде. Ә балалар исә, “Дәү әни”гә төрле милләт уеннарын уйнап күрсәттеләр,- ди татар теле тәрбиячесе Венера Алексеева.
“Туган телне кадерләгән халык кадерле булыр”, – ди халык мәкале. Туган телләребезне саклыйк, яклыйк, чөнки милләтнең яшәешендә туган тел иң мөһим урыннарның берсен алып тора.
Следите за самым важным и интересным в Telegram-каналеТатмедиа
Нет комментариев