Зәйлеләр — инглиз теле буенча республика олимпиадасы җиңүчеләре

13 - 16 гыйнварда Татарстан Мәгариф һәм фән министрлыгы “Дуслык” сәламәтләндерү-белем бирү комплексының “Республика олимпиада үзәге” базасында Татарстан гомуми белем бирү оешмаларының VIII-XI сыйныфларында белем алучылар өчен инглиз теле буенча “Олимпка юл” республика олимпиадасының йомгаклау этабы уздырылды. Олимпиада нәтиҗәләре буенча, Зәйнең 6нчы мәктәбе VII сыйныф укучысы Аким Зверев, 7нче мәктәпнең IX сыйныф укучысы Ирина Карева, Ринат Фәрдиев исемендәге татар гимназиясеннән Энҗе Вафина призерлар булды. Аларны олимпиадага татар гимназиясенең инглиз теле укытучысы Маргарита Ласточкина, 6нчы мәктәпнең инглиз теле укытучысы Роза Гыйлаева һәм 7нче мәктәпнең инглиз теле укытучысы  Эльвира Ханнанова әзерләде.

Фото мәгариф идарәсеннән