Әфган җиреннән совет гаскәрләрен чыгаруга 34 ел тулу уңаеннан Зәйнең 5нче мәктәбендә Мирный бистәсендә яшәүче сугышчы-интернационалистлар белән очрашу үтте.
Патриотик рухтагы очрашуга ветеран хәрбиләр Сергей Галяминский, Рөстәм Зариповлар чакырылган иде. Алар үзләренең хәрби юллары турындагы кайбер хатирәләрне уртаклаштылар. Ә тарих укытучысы белән бергәләп укучылар Әфгандагы бәрелешләр фактларын искә алдылар, патриотик шигырьләр сөйләделәр.
Мирный бистәсе территориаль иҗтимагый үзидарәсе рәисе Гөлбану Галяминская сугышчы-интернационалистларга рәхмәт белдереп, истәлекле бүләкләр тапшырды.
- Бу очрашу яшь буынга патриотик рухны сеңдерү өчен әһәмиятле. Гомумән, 5нче мәктәп коллективы әлеге юнәлештә максатчан эшләве белән аерылып тора, - диде ул.
Фотолар мәктәптән
Нет комментариев