Зәйдә «Ел укытучысы 2023» конкурсының зона этабы шәһәрнең 6нчы мәктәбендә дә узды

Бүген 6 нчы мәктәптә «Ел укытучысы 2023» һөнәри осталык бәйгесенең зона этабы узды. Актаныш, Зәй һәм Мөслим районнарыннан сигез укытучы үзләренең педагогик эшләнмәләре, дәресләр уздыру тәҗрибәләре белән уртаклаштылар.

- Сезне, хезмәттәшләрем, бу бәйрәм белән котлыйм. Бу чыннан да иҗат, сезнең идеялар һәм тәҗрибә бәйрәме. Бүген сезнең һәрберегезгә уңышлар елмаюын телим, - дип мөрәҗәгать итте конкурсантларга Татарстан Республикасы Мәгарифне үстерү институтының методик эш үсеше бүлеге башлыгы Ольга Мартьянова.

Зәй районыннан конкурста өч педагог: татар гимназиясенең рус теле һәм әдәбияты укытучысы Ольга Карманова

, 6нчы мәктәпнең башлангыч сыйныфлар укытучысы Ангелина Куприянова һәм 3нче мәктәпнең география укытучысы Алсу Шәңгәрәева катнашты.

Ирина Смирнова фотолары