Зәй җыелма командасы КВН юниор-лигасының финалына узды

9 февральдә Яр Чаллы шәһәренең “Шатлык” яшьләр үзәгендә КВН уеннарының юниор-лигасының ярымфиналы булды. Мәктәп укучылары кергән Зәй җыелма командасы өченче урынны яулады һәм финалга үтте. Яшьләр эшләре идарәсе балаларның иҗади сәләтләрен ачарга аерым игътибар бирә. Ярымфиналга команда Зәй районында КВН уеннарының барлык хәрәкәтен алып баручы белгеч Ксения Тербух белән бергә әзерләнде. КВН юниор-лигасының төп максаты - укучы яшьләрнең иҗади, шәхси, интеллектуаль потенциалын ачу өчен шартлар тудыру.

Фото яшьләр эшләре идарәсеннән