Зәйдә район активы белән очрашу узды

Очрашуда Россия Дәүләт Думасы депутаты Олег Морозов, Азнакай районы башлыгы Марсель Шәйдуллин катнашты.

Разиф Кәримов очрашуда катнашучыларны районның социаль-икътисади үсеше, махсус хәрби операциядә катнашучыларга һәм госпитальләргә гуманитар ярдәм күрсәтү, авыл хуҗалыгы тармагындагы эшләр белән таныштырды.

Юнәлешләр буенча җитәкчеләрнең хисаплары

Мәгариф идарәсе башлыгы Миләүшә Вәлиәхмәтова, физик культура һәм спорт идарәсе башлыгы Илзирә Тимеркәева, мәдәният идарәсе башлыгы урынбасары Дина Коронова, “Яшьләр үзәге” мунииципаль бюджет учреждениесе директоры Ирина Белан үз юнәлешләрендәге эшчәнлек турында бәян иттеләр.

Дәүләт Думасы депутаты сүзе

Олег Морозов сүз алып, зәйлеләрнең матур нәтиҗәле хезмәткә йөз тотып эшләүләрен ассызыклады, Зәйгә бик теләп яратып килүен белдерде.

Соңыннан бүләкләү тантанасы үтте. Россия Дәүләт Думасы депутаты Олег Морозов Петр Тимаськов һәм Гөлнара Феофановага Рәхмәт хатлары тапшырды.

Бүләкләү тантанасы: Рәхмәт хатлары һәм казанышларын тану

Республика электрон Мактау тактасына Зәй районыннан 196 кеше кертелгән, тантаналы шартларда очрашуда 14 кеше исемле таныклыклар алды.

Алар – “Гвардия” хәрби-патриотик клубы җитәкчесе Виктор Никифоров, район үзәкләштерелгән китапханәләр директоры Сәрия Батршина, район башкарма комитетының муниципаль заказ бүлеге башлыгы урынбасары Гөлнара Вәлиева, 2нче мәктәп укытучысы Валентина Колесова, финанс-бюджет палатасының керемнәрне фаразлау бүлеге башлыгы Юлия Короткова, “Барс” спорт мәктәбе тренер-укытучысы Валерий Лисов, муниципаль бюджет киноучрежениесе  кассиры Надежда Марафитова,

“Энергетик” Мәдәният сарае хореографы Лидия Нестягина, “Зәй” спорт мәктәбенең билбау көрәше буенча тренеры Равил Салихов, “Зәй” спорт мәктәбенең каратэ-киокусинкай буенча тренеры Владимир Ревин, "Радость" халыкка социаль хезмәт күрсәтү  үзәгенең тәрбия буенча ярдәмче Наталья Феофанова, балалар иҗат мәктәбе өстәмә белем бирү педагогы  Ольга Фирсова, “Шатлык” социаль ярдәм күрсәтү үзәге белгече Әлфия Ханнанова, “Якты коңгыз” балалар бакчасы логопеды Анна Шакирова.