8 августта Ринат Фәрдиев исемендәге паркта «Татарстанда җәй» проекты кысаларында Физкультурачылар көненә багышланган гаилә квесты үтте.
Бәйрәм чын мәгънәсендә бердәмлекне сынау мәйданына әйләнде: үз көчләрен сынап карарга һәм команда рухын күрсәтергә 12 спортчы гаилә җыелды.
Катнашучылар өчен алты станциядән торган маршрут әзерләнгән иде. Һәр станциядә аларны гади спорт биремнәре генә түгел, ә көч һәм җитезлекне зирәклек белән берләштергән мини-сынаулар көтте. Этапны уңышлы үткән өчен гаилә бер хәреф алды, ә төп интрига финалга кадәр сакланды: барлык хәрефләрне җыйгач кына, серле сүзне чишәргә мөмкин иде. Мондый формат чын команданың тизлеккә генә түгел, ә үзара килешә белүгә, бер-береңне хуплауга һәм ышануга нигезләнгәнен күрсәтте.
Бәйрәмдәге атмосфера чыннан да җылы һәм дәртле иде: әти-әниләр һәм балалар зур кызыксыну белән дистанцияләрне үттеләр һәм һәр үтәлгән биремгә чын күңелдән сөенделәр.
Җиңүчеләр булып Шәфиевлар гаиләсе танылды — алар беренчеләрдән булып серле сүзне җыйдылар һәм татулык белән үзара ярдәмләшүнең могҗизалар тудыра алуын исбатладылар. Икенче урынны - Юлаевлар гаиләсе, өченче урынны Фәретдиновлар гаиләсе алды.
Фотолар спорт идарәсеннән.
Нет комментариев