Татарстан елгаларында суның биеклеге куркыныч күрсәткечтән түбәнрәк
Татарстан елгаларында суның биеклеге куркыныч күрсәткечтән түбәнрәк. Бу хакта Россия Гадәттән тыш хәлләр министрлыгының ТР буенча Баш идарәсендә хәбәр иттеләр.
Соңгы тәүлектә күпчелек елгаларда суның биеклеге - 1-8, Дала Зәендә – 20, Үләмәдә 31 сантиметрга кимегән.
Шушма, Бөрсет, Минзәлә, Ык һәм Сөн елгаларында су – 1-5, ә Кече Чирмешән елгасында 14 сантиметрга күтәрелгән.
ТР Премьер-министрының беренче урынбасары Рөстәм Нигъмәтуллин сүзләренчә, явым-төшем күләме климат күрсәткечләреннән артып китү сәбәпле, язгы ташу көчле булырга мөмкин. Республикада язгы ташуга әзерлек эшләренә 513 миллион сум акча бүлеп бирелгән.
Чыганак: Татар-информ
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев