20 октябрьдә Зәйнең Мирный бистәсе мәдәният йортында сәламәт яшәү рәвешен пропагандалауга багышланган «Тормыш матур, аны юкка әрәм итмәскә” дигән тематик сәгать уздырылды.
Чарада Гөлназ Исламова җитәкчелегендәге 5нче мәктәпнең 2нче сыйныф укучылары катнашты. Очрашуның төп максаты – балаларга кеше тормышының никадәр кыйммәтле булуын һәм яшьтән үк сәламәтлекне саклауның мөһимлеген искә төшерү булды.
Алып баручылар Любовь Мөбәрәкшина һәм Резидә Ченцова балалар белән бергә презентацияне караган вакытта яшәү миссиясе һәм чын-чынлап бәхетле һәм уңышлы киләчәк нәрсәдән гыйбарәт булуы турында сөйләштеләр. Программаның интерактив өлеше кешенең сәламәтлеген һәм шәхесен җимерә торган факторларны тикшерүгә багышланган иде: тәмәке тарту, алкоголь, психоактив матдәләр, шикле компанияләр һәм интернет - бәйлелек. Төп кыйммәтләр арасында балалар сәламәтлекне, гаиләне, спортны, эшне, укуны, иҗатны, фәнне һәм сәяхәтне атадылар.
Һәр катнашучы көндәлек тормышны ничек тулы һәм мәгънәле итү турында үз фикерен әйтергә мөмкинлек алды.
- фотолар мәдәният йортыннан
Нет комментариев