Яңгырлы һава торышы – томатлар өчен җитди сынау

Помидорлар өлгерә башлады, ә яңгырлар туктамый. Артык дым җимешләрнең ярылуына һәм фитофтора авыруы барлыкка килүенә сәбәп булырга мөмкин.

Уңышны саклап калу өчен берничә  киңәш:

• Җиргә тиеп торучы аскы яфракларны өзеп алыгыз, куакларны бераз сирәкләгез. Бу һава йөрешен яхшырта.
• Даими рәвештә ян ботакларны алып торыгыз, шулай иткәндә үсемлек бөтен көчен җимешләрне өлгертүгә юнәлтәчәк.
• Кирәк булса, куакларның очларын кысып алыгыз – бу помидорларның тизрәк өлгерүенә ярдәм итә.
• Фитофтораны булдырмас өчен биопрепаратлар яки кулланырга рөхсәт ителгән фунгицидлар белән профилактик эшкәртү үткәрегез (коры һавада һәм инструкция буенча гына).
• Яңгырлардан соң туфрак дымлы булса, өстәмә су сибәргә кирәкми.
• Калийлы ашламалар яки агач көле белән тукландырыгыз – бу җимешләрне баллырак, тыгызрак һәм сыйфатлырак итә.
• Азотлы ашламалар кертмәгез – алар җимешләр түгел, ә яфраклар үсүен көчәйтә.
• Өлгергән помидорларны вакытында җыеп алырга онытмагыз. Өлгергән җимешләрне ешрак өзгән саен, калганнары да тизрәк өлгерәчәк.