Викторияләр әле һаман ямь-яшел утыра. Тик аларны хәзердән үк кышка әзерләү мөһим. Җиләк яхшы кышласын һәм мул уңыш белән сөендерсен өчен, аны дөрес итеп капларга кирәк.
Җиләк куакларын каплар алдыннан барлык иске, авыру һәм зыян күргән яфракларны һәм мыекларын кисеп алыгыз. Бу куакка яхшырак кышларга һәм авырулар таралуга юл куймаска ярдәм итәчәк. Шуннан соң куак төпләрен саклык белән күмегез, тамырларга өстәмә саклану өчен бераз туфрак салыгыз.
Яфраклар һәм ылыс белән каплау. Бу — иң гади һәм һәркемгә кулай ысул. Корган яфракларны (иң яхшысы — имән яки өрәңге яфраклары, чөнки алар сытылмый) саклык белән генә куаклар тирәсенә җәеп чыгыгыз, үсү ноктасын күмә күрмәгез. Өстенә ылыслы ботаклар (нарат, чыршы) салырга мөмкин — алар һава катламы ясап, черүдән саклар.
Каплауны тикшерү. Иң мөһиме — ашыкмагыз, юкса җиләк салкыннарга кадәр черергә мөмкин. Куаклар капланган, ләкин артык дымлы булмавына инаныгыз. Тукылмаган материал куллансагыз, ул һава йөртүчән булырга тиеш. Язын каплауны акрынлап кына алалар.
Исегездә тотыгыз: вакытында һәм дөрес итеп каплау — киләсе елда җиләкнең мул уңышына нигез.
Нет комментариев