Кызыл күлмәк: акчаны кире кайтару — нинди хокукларыбыз бар?

Өч көннән соң ул күлмәкне кире кайтару өчен кибеткә килә. Сатучы товарны гына алыштыра алам, гомумән, шундук килергә кирәк иде, дип белдергән. Сатып алучы закон буенча товарны 14 көн эчендә кайтарырга мөмкин булуы турында әйткән. Ассортиментта аңа туры килә торган күлмәк булмаган, ә  акчаны кире кайтарудан  баш тартканнар. 

Эксперт аңлатмасы: законнар буенча хокук 

Әлеге хәлгә Татарстан Республикасы Дәүләт алкоголь инспекциясенең Түбән Кама территориаль органы белгече Эльвира Милочкина аңлатма бирә.

Кулланучының хокуклары «Кулланучылар хокукларын яклау турында» Законда һәм РФ Гражданлык кодексында (502нче маддә) беркетелгән. Бу нормалар нигезендә, 14 көн эчендә (сатып алу көнен санамыйча) товарны алмаштырырга яки кире кайтарырга мөмкин.

Тик түбәндәге шартлар үтәлергә тиеш:

• әйбер кулланылмаган;
• товар күренеше саклануы;
• ярлыкларның урында булуы;
• касса яки товар чегы бар (ә ул булмаганда, сатып алуның башка дәлилләре).

Сәбәп нинди булырга тиеш?

Шул ук вакытта гамәлләрнең мөһим алгоритмын истә тоту мөһим: башта товарны охшашына (күлмәк — күлмәккә, ә башка категория киемнәргә түгел) алмаштыру турындагы таләпне белдерергә кирәк. Акчаны сатучының кирәкле товары булмаган очракта гына кайтарып була.

Моннан тыш, кире кайтару сәбәбе конкрет булырга тиеш. Законда нигезләрнең төгәл исемлеге теркәлгән: форма, габаритлар, фасон, төс, үлчәм яки комплектация. “Бары ошамады” дигән тәгъбир сатучыга законлы рәвештә баш тартырга хокук бирә. Төгәл сәбәбен күрсәтү яхшырак — мәсәлән, «төсе буенча туры килмәде».

Әгәр чек юк икән, бу сатып алучыны алмашу яки кире кайтару хокукыннан мәхрүм итми. Сатып алу фактын исбатларга башка дәлилләр дә ярдәм итәчәк: кибет маркировкасы белән ярлыклар, дисконт картасы, банк кушымтасыннан өземтә яки хәтта шаһитларның күрсәтмәләре.