Зәйдә мәктәп укучылары арасында строй җырлары муниципаль бәйгесе узды

Катнашучылар командаларны төгәл үтәүдә, хәрәкәтләрнең тигез булуында һәм башкару осталыгында ярыштылар. Жюри тышкы кыяфәткә, строй дисциплинасына һәм, әлбәттә, җыр башкаруга аерым игътибар бирде.

Конкурс дәвамында сәламәт көндәшлек һәм үзара хөрмәт рухы белән тулы чын бәйрәм атмосферасы хөкем сөрде. Оештыручылар билгеләп үткәнчә, мондый чаралар яшьләрне патриотик тәрбияләүдә мөһим роль уйный, укучыларда сабырлык, җиңүгә омтылыш һәм уртак эш өчен җаваплылык хисе формалаштыра.

фотолар мәгариф идарәсеннән