Зәй туган якны өйрәнү музеенда Габдулла Тукай әкиятләрен укыдылар

Чара «Татар халкының милли үзенчәлеген саклау» дәүләт программасы кысаларында Габдулла Тукайның тууына 140 ел тулуга багышланган иде. 

Музей хезмәткәре балаларга Габдулла Тукайның авыр балачагы, әти-әнисен иртә югалтуы, барлык авырлыкларга карамастан, игелекле һәм талантлы шагыйрь булып үсүе турында сөйләделәр. Балалар Тукайның балаларны бик яратуын, алар өчен яхшылыкка, дуслыкка һәм намуслылыкка өйрәтүче шигырьләр һәм әкиятләр иҗат итүен белделәр.

Аннары сүз әдипнең иң танылган әкиятләренә — «Шүрәле», «Су анасы», «Кәҗә һәм Сарык» әкиятләренә күчте. Балалар игътибар белән тыңлап кына калмадылар, ә үзләре дә очрашуның төп геройлары булдылар. Берничә укучы алып баручыга ярдәм итәргә теләк белдерде һәм шунда ук бөтен сыйныф алдында яраткан әкиятләрен сөйләделәр. 

Ахырда беренче сыйныф укучылары Габдулла Тукай портреты янында фотога төштеләр һәм аның китапларын кулларына ешрак алырга вәгъдә иттеләр.

фотолар музейдан.