Зәй студентлары хокукый брейн-рингта үзләрен сынады
Бүген Зәй политехник көллияте музеенда Россия Федерациясе Конституциясе көненә багышланган хокукый брейн-ринг узды.
Быел Россиянең Төп законына 30 ел тулды, ул 1993 елның 12 декабрендә бөтенхалык тавыш бирү юлы белән кабул ителде. Бу - аның яңа тарихы, ә менә үткәндәге битләр брейн-рингта катнашучылар өчен үз серләрен ачты. Командалар хокук, закон һәм сәясәтнең төрле аспектлары буенча сорауларга җавап бирделәр, әдәби геройларның нинди хокуклары бозылуын билгеләп, хокук бозучыларга юридик консультацияләр бирергә һәм аларның гамәлләрен законсыз гражданнар буларак бәяләргә тырыштылар.
Нәтиҗәдә барлык сорауларга да төгәл җавап биргән “Хокук белгечләре” командасы җиңде. Әмма бу өлкәдә чарада катнашучы һәркем үзенә яңалыклар алып, белемнәрен ныгытты.
Фотолар политехник көллияттән.
Следите за самым важным и интересным в Telegram-каналеТатмедиа
Нет комментариев