Зәй китапханәчеләре Тукайга багышланган әдәби-шигъри сәгать уздырды
Бөек татар шагыйре Габдулла Тукайның тууына 138 ел тулу уңаеннан Зәй үзәк китапханәсендә 2нче мәктәпнең VII «Б» сыйныфы укучылары өчен «Кырлай авылыннан шагыйрь» дигән әдәби-шигъри сәгать узды.
«Тукай бүгенге көнгә кадәр үзенең элекке әһәмиятен югалтмаган, юл күрсәтүче йолдыз булып тора. Укучылар шагыйрьнең биографиясен искә төшерделәр, шигырьләрен укыдылар, хәтта инглиз телендә дә шигырьләр яңгырады, видеопрезентацияләр карадылар һәм „Тукай турында барысы да“ викторинасы сорауларына җавап бирделәр», — ди баш китапханәче Лилия Хафизова.
Катнашучыларга шулай ук «Син Тукайны хәтерлисеңме?» дигән экспресс-сораштыру тәкъдим ителде, аның буенча алар шагыйрьнең әкиятләре һәм шигырьләре исемнәрен искә төшерергә тиеш булдылар. Китап-иллюстратив күргәзмәдә китапханә фондларыннан Габдулла Тукай китаплары экспозициясе тәкъдим ителде.
Следите за самым важным и интересным в Telegram-каналеТатмедиа
Нет комментариев