Полиция хезмәткәре яшьләр үзәгендә тәрбияләнүчеләр белән куркынычсызлык турында әңгәмә үткәрде

Зәйнең «Дуслык» яшьләр үзәгендә район эчке эшләр бүлегенең балигъ булмаганнар эшләре буенча хезмәткәре Булат Мурзагов белән очрашу булды. Әңгәмә барышында яшүсмерләргә наркотик матдәләр куллануның куркынычлыгын һәм мондый гамәлләр аркасында килеп чыгарга мөмкин булган нәтиҗәләрне аңлаттылар. Наркотиклар белән бәйле җинаятьләр һәм хокук бозулар өчен административ һәм җинаять җаваплылыгына аерым игътибар бирелде.

Булат Магомедович шулай ук җәмәгать урыннарында, урамнарда һәм массакүләм ял итү зоналарында үз-үзеңне тоту кагыйдәләрен үтәргә кирәклеген искәртте. Ул комендант сәгатен үтәүнең мөһимлеген ассызыклады һәм яшьләрне вейплар, алкоголь һәм тәмәкенең сәламәтлеккә тискәре йогынтысы турында сөйләде.

Очрашуның тагын бер мөһим темасы интернетта куркынычсызлык булды. Полиция  хезмәткәре яшүсмерләргә интернет челтәрдә сак булырга, шәхси мәгълүматларны якларга һәм потенциаль куркыныч ситуацияләрдән качарга кирәклеген аңлатты.

Әңгәмә азагында Булат Магомедович балаларга сәламәт яшәү рәвеше алып баруларын, уяу булуларын һәм куркынычсызлык кагыйдәләрен һәрвакыт истә тотуларын теләде.

Фото яшьләр үзәгеннән.