Энергосыйныфларда укучылар өчен практик дәресләр башланды

Зәйнең 4нче  мәктәбендә уку елы башыннан яңа профильле класс –  энергосыйныф ачылды. Анда  киләчәк һөнәрен энергетика белән бәйләргә теләгән укучылар белем ала. Әлеге проектны тормышка ашыру Зәй политехник колледжы, Казан дәүләт энергия университеты, районның мәшгульлек үзәге белән берлектә башкару каралган.

16нчы апрельдә исә Зәй политехник колледжында аларның практик дәресләре башланды. Мөһим чарада Зәй ГРЭСының баш инженеры Андрей Юдин укучыларга уңышлар теләде.

Энергетика тармагының нечкәлекләрен үзләштерүдә станция хезмәткәрләре ярдәм итәчәк.

Исегезгә төшерәбез, профильле сыйныфның максаты – укучыларга һөнәри юнәлеш бирү, шулай ук укучыларны мотивацияләү һәм яшьләрне энергетика тармагы белән кызыксындыру.

Энергосыйныф  8 класс базасында формалаштырыла һәм «мәктәп – колледж– югары уку йорты – предприятие» өзлексез белем бирү системасының бер өлеше булачак.