Кадерле кешебезне юбилее белән котлыйбыз!

Кадерле тормыш иптәшем, газиз әниебез, яраткан әбиебез, сине чын күңелебездән матур юбилеең белән котлыйбыз. Әниебез, яшәү рәвешең без — балаларыңа, оныкларыңа матур өлге. Һәрберебезнең шатлык-хәсрәтен сыйдырырлык олы йөрәгең, һәммәбезгә бүлеп бирерлек җан җылың, сабыр канатың бар. Хәер-фатыйхаңнан аермый, безне кайгыртып, киңәш-табышыңнан ташламый, сокландырырлык итеп яшисең. Әтиебез белән бергә матур гомер кичерәсез, бергәләп оныкларыгыз өчен сөенеп яшисез.

Матур бәйрәмең көнендә сиңа теләкләрнең бары изгесен, яктысын юллыйбыз. Киләчәктә дә сау-сәламәт булып, безнең уңышларга куанып, һәр мизгелдән тәм табып, җан җылыбызны тоеп, әтиебез белән тигезлектә озын-озак бәхетле гомер кичерсәң иде. Без сине бик яратабыз!

Котлы булсын юбилеең,

Күңелеңдә өмет сүнмәсен.

Бәхетле бул! Синең бәхетеңә

Беркайчан да күзләр тимәсен.

Бәхет теләп һәркөн таңнар атсын,

Кояш көлсен күңел күгеңдә.

Теләкләрнең иң-иң изгеләрен

Без телибез туган көнеңдә.

Иң изге теләкләр белән балаларың, килен-киявең, оныкларың. Безнең теләкләргә әтиебез дә кушыла.