Кадер урта гомуми белем мәктәбе укытучысы Сергей Федорович Черновка 11 ноябрьдә 55 яшь тула

Сез бөтен көчегезне, белемегезне, тырышлыгыгызны авыр, әмма игелекле хезмәткә — балалар тәрбияләүгә һәм белем бирүгә багышладыгыз. Балалар күңелен аңлап, һәрберсенә якын килеп эшли беләсез. Сез һәрчак ачык күңелле, тынгысыз йөрәкле, сабыр холыклы. Гади, кешелекле, ярдәмчел булганыгыз өчен балалар да ярата, коллектив та хөрмәт итә үзегезне.

Киләчәктә дә сәламәтлек, җан тынычлыгы, яңадан-яңа уңышлар, мул тормыш телибез. Изге дөньяның барлык рәхәтлекләрен күреп яшәргә Ходай насыйп итсен. Алдагы гомер елларыгызда тормыш юлларын иминлектә, сау-сәламәт булып, бәхетле көннәрдә, шатлык белән үтәргә язсын. Киләчәктә дә тормыш иптәшегез, улыгыз, туганнарыгызның шәфкатьлелеген, мәрхәмәтлелеген, игътибарын һәм ихтирамын тоеп, тигезлектә гомер итегез.

Салкын җилле көздә тусагыз да Сез,
Яз кояшы һәрчак күңелегездә.
Һәрвакытта йөзегез көләч булсын,
Балкып яшәгез гомер-гомергә.
Теләкләрнең кайсын теләсәк тә,
Аз булыр күк Сезнең хөрмәткә.
Аяз булсын мәңге күңел күгегез —
Без калабыз шушы теләктә.

Хөрмәт белән Кадер мәктәбе коллективы