Юбилеегыз белән котлыйбыз!

Хөрмәтле Сергей Владимирович! Сез үз һөнәрегезне яратып, намус белән башкарасыз, балаларны ихлас яратасыз, сез куйган максатыгызга ирешүче, тәвәккәл, тынгысыз шәхес. Абруйлы җитәкче, оста оештыручы булуыгызның күрсәткече - мәктәп коллективы ирешкән уңышлар. Төгәл, җаваплы, һәр кешегә игътибарлы, ярдәмчел, кешелекле булуыгыз белән коллективыбызда, ата-аналар, укучыларыгыз арасында хөрмәт яуладыгыз. Сезнең тормыш тәҗрибәгез, осталыгыгыз бәхәссез.
Тормыш иптәшегез Лариса Андреевна белән бергә балаларыгызның игелеген, якыннарыгызның кадер-хөрмәтен тоеп, бәхетле озын гомер кичерергә, саулыкта, байлыкта яшәргә язсын сезгә. Йөзегез һәрчак кояштай балкып, тормышыгыз мул, нигезегез - тыныч, рухыгыз ныклы булсын.
Эшебездә төп кеше Сез,
Җаваплы вазифагыз.
Сезнең белән бергә эшләп,
Һәрвакыт сокланабыз.
Иртә дими, кич димисез,
Ял дигәнне белмисез.
Бүген бәйрәмегез белән котлап,
Зур уңышлар телибез.
Хөрмәт белән Түбән Биш мәктәбе коллективы.