65 яшьлек юбилеегыз котлы булсын!

Кадерлебез, гомер бәйрәмең көнеңдә без сиңа ихлас котлауларыбызны юллыйбыз. Сиңа нык сәламәтлек, гаилә шатлыгы, күңел тынычлыгы, бәхет-куанычлар белән тулы озын бәрәкәтле тигез гомер телибез. Балаларыгыз, оныкларыгызның шатлыкларын, уңышларын, игелекләрен, кадер-хөрмәтен күреп, пар канатларыгыз каерылмыйча, бәхетле, мул тормышта яшәргә язсын сиңа Ходай Тәгалә. Ачык йөзле, киң күңелле, туганчыл син, нинди генә эшкә тотынсаң да, бар эшкә кулың ята. Әтиебезнең эшен дәвам итеп, гомер буе җаваплы эштә — хисапчы булып эшләдең, үз эшеңне яратып, җиренә җиткереп башкардың.

Тормыш юлы сикәлтәсез булмый, диләр, сиңа да бик күп авырлыклар, борчулар күрергә туры килде, син барысына да түздең, бирешмәдең. Алдагы тормышыңда кайгы-хәсрәт күрмә, һәрвакыт шулай олы йөрәкле, ярдәмчел булып кал. Киләчәк көннәрдә дә синең тәмле бәлешләрең, пирогларың, тортларыңны ашап, бергәләшеп якты, көләч йөзеңне, нурлы өегезне күреп яшәргә язсын.

Бүгенгедәй сөйкемле бул,
Бүгенгедәй бәхетле бул.
Гомер юлың озын, озак булсын,
Тигез тормыш аны бизәсен.
Гомерләрең бәхет белән үтсен,
Авырлыклар бер дә килмәсен.

Иң изге теләкләр белән Гөлнур, Гөлсия, Гүзәлия апаң, Фәрит абыең, Фәридә җиңгәң, аларның балалары, оныклары, килен-кияүләре. Бу теләкләргә тормыш иптәшең Фидаил, балаларың Илнур, Айсылу, Лиана, Анатолий, оныкларың Эвелина, Тимерхан, Аделина, Амаль да кушыла.