Зәйдә хәрби гаиләсендә яңа туган балага 100 мең сумлык сертификат тапшырылды

Бүген “Без бергә” педагогик-психологик үзәгендә гаиләне бала тууы белән район башлыгы Разиф Кәримов котлап, 100 мең сумлык сертификат тапшырды. Тантанада  ялга кайткан хәрбиләр, район җитәкчелеге, хәрби комисариаттан эксперт белгеч Георгий Борисов, волонтерлар  катнашты. 

- Сезне гаиләгездәге иң мөһим вакыйга - бала тууы белән котлыйм.  Бәхетле бала булсын, сезгә ныклы сәламәтлек, иминлек телим, - диде район башлыгы Разиф Кәримов.

Гаиләдә тагын өч ул үсә. Малайлар сеңелләре тууга бик шатланганнар.

-Безнең кызыбыз 18 мартта туды. Без аңа Оливия дип исем куштык. Әтиебез әлегә кызыбызны видеоэлемтә аша гына күрде. Бик сөенде. Отпускага кайтуын түземсезләнеп көтәбез, - ди яшь әни.

автор фотолары