Халыклар бердәмлеге көне — Россиядә 4 ноябрьдә билгеләп үтелә торган дәүләт бәйрәме.
Зәйнең Сөббух Рәфыйков исемендәге үзәк китапханәсендә әлеге датага багышланган, 4нче мәктәпнең 9 «А» сыйныфы укучылары өчен «Бердәмлектә — безнең көч!» дип исемләнгән тарихи сәгать үтте.
Чара Ватанга тугрылыкның һәм бердәмлекнең мөһим темаларына багышланган иде. Укучылар алдында Россия тарихы битләре җанланып китте: халык өчен авыр болганчык вакытлар, ялган патшалар, халык ополчениесе геройлары Кузьма Минин һәм Дмитрий Пожарский, Иван Сусанин батырлыгы турында искә алдылар. Китапханәче Зөлфия Гыйльманова балалар белән бергә үткәндәге героик вакыйгаларны искә төшерде.
“Мәктәп укучылары “Бераз тарих... " викторинасында актив катнаштылар, «Картинаны җыярга һәм рус сугышчысының коралын һәм хәрби киемнәрен санап чыгарга» һәм «Мәкальне сөйлә» кебек иҗади биремнәрне үтәделәр, шулай ук бердәмлек турындагы видеороликлар карадылар. Бердәмлек һәм дуслык кешеләрне һәм халыкларны берләштерә. Һәр укучы Россиянең көче аның бердәмлегендә булуын истә калдырды”, - диде баш китапханәче Зөлфия Гыйльманова.
Без барыбыз да милләтебез, динебез һәм башка характеристикаларыбыз буенча төрле. Ләкин без барыбыз да — бер ил-Россия гражданнары. 4 ноябрь безгә көч — бердәмлектә икәнен искә төшерә торган көн булырга тиеш!
Нет комментариев