Зәйдә 2022 елга йомгак ясадылар

Чара район башлыгы Разиф Кәримов һәм дәрәҗәле кунаклар катнашында “Энергетик” Мәдәният сараенда узды. Анда шәһәр һәм район Советлары депутатлары, предприятие һәм оешма җитәкчеләре, шәһәр һәм районның хезмәт коллективлары вәкилләре чакырылган иде. Районыбыз хезмәтчәннәре өчен 2022 ел бик унышлы булды. Яңа елга санаулы сәгатьләр калып бара. Тарих битләренә тагын бер ел өстәлә. Узып баручы ел һәркемнең күңелендә ниндидер якты истәлекләр калдырды.

2022 ел нәтиҗәләре буенча доклад һәм котлау сүзе белән район башлыгы Разиф Кәримов чыгыш ясады. Ул районның төрле тармакларындагы төп казанышларны билгеләп үтте, зәйлеләргә район үсеше өчен нәтиҗәле хезмәтләре, туган якка мәхәббәт, традицияләргә тугрылыклы булганнары өчен рәхмәт белдерде. Төрле өлкәләрдә һәм тармакларда эшләүче 40тан артык кеше лаеклы бүләкләр алды.

2009 елдан башлап ел саен, районның оешмасын, мәгарифен, мәдәниятен, муниципаль хезмәтен үстерүгә зур өлеш керткән, Ватанны саклау буенча батырлык күрсәткән гражданнарның казанышларын тану максатыннан, районда “Зәй муниципаль районының Мактаулы гражданы” исеме бирелә. “Зәй муниципаль районында Мактаулы гражданины” исеме, асылда, якташларыбызның хезмәтләре, туган җиренә хезмәт итүләре белән ихтирам һәм хөрмәт казанулары белән аеруча кадерле. Быел әлеге исемгә “Нефтегаз” акционерлык җәмгыяте генераль директоры киңәшчесе Фоат Комаров һәм “Россиянең атказанган спорт мастеры”, “Зәй”спорт мәктәбе тренеры Регина Салихова лаек булды.

Зәй балалар музыка мәктәбенең тынлы уен кораллары сыйныфы укытучысы Надежда Бурмистровага Татарстан Министрлар Кабинеты Рәхмәте белдерелде.

Татарстан Дәүләт Советы Рәисенең Рәхмәт хаты шәһәр башкарма комитеты җитәкчесе Петр Тимаськов һәм Аксар авыл җирлеге башлыгы Юрий Гыйльмановка тапшырылды.

Ел саен районда “Ел җитәкчесе” бәйгесе үткәрелә. Бәйге комиссиясе карары белән "Ел җитәкчесе - 2022” номинациясендә җиңүче дип "ТЕХНО заводы" җаваплылыгы чикләнгән җәмгыяте филиалы директоры Андрей Мамонтов, “Зәй политехник колледжы директоры Сергей Максимов, “Теплосервис” җаваплылыгы чикләнгән җәмгыяте директоры Рәйхәт Гарипов, - “Агрокөч” акционерлык җәмгыятенең идарәчесе Фоат Камалиев танылды.

2022 елда Зәй муниципаль районында “Уңайлы шәһәр мохитен формалаштыру” федераль программасы һәм “Татарстан Республикасының иҗтимагый киңлекләрен үстерү” республика программасы кысаларында иҗтимагый киңлекләрне яңарту эше дәвам итте. Районда социаль инфраструктура объектларын капиталь ремонтлау һәм төзү буенча республика программаларын гамәлгә ашырган өчен район башлыгының Рәхмәт хаты “Татнефтедор” җаваплылыгы чикләнгән җәмгыятенең Зәй автомобиль юллары идарәсе участогы начальнигы Артур Попов, “Регионстрой” җаваплылыгы чикләнгән җәмгыяте директоры Дамир Сафиуллин, " Регионстрой” җаваплылыгы чикләнгән җәмгыяте баш инженеры Минхәлим Мостафинга тапшырылды.

Ветераннар хәрәкәтен үстерүгә зур өлеш керткәне, иҗтимагый эшчәнлек алып барганы һәм күпьеллык намуслы хезмәте өчен район башлыгының Рәхмәт хаты район ветераннар Советы рәисе Алексей Алексеев, Әфганстандагы сугыш һәм башка локаль конфликтлар инвалидлары Зәй бүлеге рәисе Сергей Хватков, “Чернобыльчеләр берлеге” иҗтимагый оешмасының Зәй бүлеге рәисе Валентин Атласовка тапшырылды.

Иҗади казанышлары, югары профессионализм, мәдәният үсешенә шәхси өлеш керткәне өчен район башлыгының Рәхмәт хаты Югары Мәлем авылы мәдәният йорты режиссеры Фикрәт Сибгатуллинга бирелде.

2022 ел Ватаныбыз өчен яңа сынау – 2022 елның 24 февралендә Украина территориясендә Россия Кораллы көчләренең махсус операциясе башланды. Анда күп кенә якташларыбыз катнаша. Без Ватанны саклауга баскан һәм махсус операция барышында хәрби бурычларын үтәгән кешеләрнең ныклыгына һәм батырлыгына сокланабыз.

Зәйлеләр, зыян күргән Лисичанск шәһәре халкына һәм хәрби операциядә катнашучыларга ярдәм иттеләр. Волонтерлык хәрәкәтенә, “Ярдәм янәшә! Ярдәм якын!” һәм гуманитар ярдәм оештырган “Татнефтедор” җаваплылыгы чикләнгән җәмгыятенең Зәй автомобиль юллары идарәсе директоры Фидаил Хаернасов, "Зәй шикәре" ачык акционерлык җәмгыяте директоры Антон Трошин, “Зәй крекеры” ачык акционерлык җәмгыяте директоры Денис Кукушкин, шәхси эшмәкәр Лилия Тихонова һәм волонтер Наталья Поповага район башлыгының Рәхмәт хаты тапшырылды.

Шулай ук чарада «Кышкы әкият»- иң яхшы Яңа ел бизәлеше бәйгесенә йомгак ясалды. Җиңүчеләргә һәм призерларга бүләкләрне район башкарма комитеты җитәкчесе Эмиль Галеев тапшырды. Ел саен бәйгедә сәнәгать предприятиеләре, бюджет оешмалары, мәгариф учреждениеләре, авыл җирлекләре, сәүдә һәм коммуналь предприятиеләр катнаша. Бәйге нәтиҗәләре буенча иң яхшылар билгеләнде. “Сәнәгать предприятиеләре” номинациясендә “ТАТНЕФТЕДОР” җаваплылыгы чикләнгән җәмгыятенең филиалы-Зәй автомобиль юллары идарәсе, "Зәй шикәре" ачык акционерлык җәмгыяте III урынны бүлештеләр. II урынны "Зәй” агросәнәгать паркы, “ТЕХНО заводы” җаваплылыгы чикләнгән җәмгыятенең филиалы алды. “Кышкы әкият” муниципаль бәйгесендә I урын “Теплосервис” җаваплылыгы чикләнгән җәмгыятенә бирелде.

Районның сәүдә, җәмәгать туклануы, көнкүреш хезмәте күрсәтү предприятиеләре арасында III урынны шәхси эшмәкәр Рөстәм Әгъләмов, II урынны шәхси эшмәкәрләр Турал Алиев, Ольга Павлова, I урынны шәхси эшмәкәр Владимир Уразайкин яулады.

Бюджет өлкәсе оешмалары һәм учреждениеләре арасында III урынны "Зәй балалар музыка мәктәбе", “Зәй” спорт мәктәбе, II урынны "Барс" спорт мәктәбе, “Энергетик” Мәдәният сарае, I урынны “Яшьләр үзәге” муниципаль бюджет учреждениесе яулады.

“Мәгариф һәм мәктәпкәчә учреждениеләр” номинациясендә - Зәй муниципаль районы мәгариф учреждениеләре арасында III урынга "Күкчәчәк" һәм "Тату гаилә” балалар бакчалары, II урынга Зәй политехник көллияте , "Салават күпере” балалар бакчасы, I урынга 1нче урта гомуми белем бирү мәктәбе һәм “Уймак кыз” балалар бакчасы лаек дип табылды.

Район мәгариф учреждениеләре арасында “Һәр йөрәктә әкият яши " номинациясендә шәһәрнең 4нче урта гомуми белем бирү мәктәбе, "Яңа ел хиты" номинациясендә шәһәрнең 2нче урта гомуми белем бирү мәктәбе, “Елның иң яхшы символы” номинациясендә Чыбыклы төп гомуми белем бирү мәктәпләре бүләкләнде.

Торак милекчеләре ширкәтләре һәм район идарәче компанияләре арасында II урынны “Зәй шәһәре торак-коммуналь хуҗалыгының идарә компаниясе” җаваплылыгы чикләнгән җәмгыяте, I урынны “Доверие” торак милекчеләре ширкәте алды.

Районның авыл җирлекләре арасында Чыбыклы һәм Бохарай авыл җирлеге III урынны, Кадер һәм Поповка авыл җирлеге II урынны, Якты Күл авыл җирлеге I урынны яулады.

Зәйлеләрне якынлашып килүче 2022 ел белән районның үзешчән сәнгать артистлары үзләренең чыгышларын бүләк иттеләр. Районда 2022 ел Зәй шәһәренең 370 еллыгы елы астында узды, 2023 ел – Тынычлык һәм халыклар дуслыгы елы, - дип игълан ителде.

Фанур Миникаев, Энҗе Әгъләмова, Ирина Смирнова фотолары