Зәй аграрийлары язгы чәчүгә әзерләнә
Зәй районы авыл хуҗалыгы идарәсе мәгълүматы буенча аграрийлар язгы кыр эшләренә әзерлек чараларын алып баруга тулы куәттә керештеләр.
Хәзерге вакытта механизаторлар чәчүлек агрегатларын комплектлаштыру, кайбер төзексезлекләрне рәткә китерү белән мәшгульләр.
- План буенча 25-27 мартта районда махсус комиссия язгы кыр эшләренә әзерлекне барлау максатында техникаларны кабул итүне башкарачак. Комиссия составында ТР Авыл хуҗалыгы һәм азык-төлек министрлыгы вәкилләре дә булачак. Һәр елдагыча без агрофирмалар хуҗалыкларына чыгып техникаларны җентекләп күзәтәчәкбез, механизаторларга чәчү барышында куркынычсызлык чараларын аңлатачакбыз, - диде авыл хуҗалыгы идарәсе башлыгы Фәргать Камалиев.
фото редакция архивыннан
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев