«Татмедиа» АҖнең «Зәй-информ» баш мөхәррире-филиал җитәкчесе 2026 ел белән тәбрикли

Кадерле дуслар, хөрмәтле укучылар һәм язылучылар!

Сезгә иксез-чиксез ышанычыгыз һәм эшебезгә даими кызыксынуыгыз өчен чын күңелдән рәхмәт белдерәбез. Узган елны без бергә үттек: сез безнең белән һәр фикер алышуда  комментарийларыгыз аша уй-ниятләрегезне, теләкләрегезне белдердегез, материалларыбызны дусларыгыз һәм якыннарыгыз белән уртаклаштыгыз, безнең уртак мәгълүмат киңлеген җанлы һәм әһәмиятле иттегез.

Нәкъ менә сезнең ярдәм белән безнең аудитория өзлексез үсә, географиясе дә, мөмкинлекләр офыклары да киңәя. Узган 2025 елда без бергә мөһим чикләргә ирештек:

Вконтактедагы «Зәй Яңалыклары» бергәлеге 24 611 язылучы билгесен узды, каналга 1500 язылучы күчте.

Безнең Telegram-канал 4500 дән артык кешене җыйды инде.

Безнең икетелле «Зәй-информ» сайтында һәм Дзен-каналда караулар саны артканнан-арта бара.

МАХта безнең яңа канал эшли башлады һәм үсә.

Шул ук вакытта без традицион басмаларыбыз — «Новый Зай» һәм «Зәй офыклары» район газеталарының актуальлеген саклап калулары белән горурланабыз: беренче яртыеллыкка аларга барлыгы 2700дән артык кеше язылды. Бу безнең уртак кыйммәтебез һәм тарихыбыз.

Яңа елда без, сезгә тагын да якынрак һәм файдалырак булырга омтылып, интернет-ресурсларыбызны үстерүне дәвам итәчәкбез. Без контентны яхшырту өстендә эшләячәкбез, күбрәк вертикаль видеолар төшерәчәкбез һәм урнаштырачакбыз, сезнең өчен иң актуаль һәм уңайлы мәгълүмат чыганагы булып калу өчен заманча трендлар һәм форматлар кертәчәкбез.

Килеп җиткән 2026 ел сезнең өчен уңай үзгәрешләр һәм якты вакыйгалар чоры булсын! Аның яңа мөмкинлекләр генә түгел, көч тә, теләсә нинди кыенлыкларны бергә җиңеп чыга алачагыбызга ышаныч та китерүен телибез. Сезгә һәм якыннарыгызга ныклы сәламәтлек, тынычлык, мәхәббәт, бәхет һәм иминлек телим!
Яңа 2026 ел белән!

Хөрмәт белән, «Татмедиа» АҖнең «Зәй — ИНФОРМ» баш мөхәррире-филиал җитәкчесе Александр Исаков