Зәйнең 2нче мәктәбенә 17 беренче сыйныф укучысы килде

Беренче тапкыр мәктәп бусагасын атлап кергән 17 беренче сыйныф укучысы һәм бу уку елыда унберенчене  тәмамлаячак укучылар өчен бу бәйрәм аеруча үзенчәлекле булды. Беренче кыңгырауны чыңлату  хокукы унберенче сыйныф укучысы Эмиль Кармышевка һәм беренче сыйныф укучысы Дарья Кобелевага бирелде.

Яңа уку елын мәктәп яңа директор Айгөл Абдуллина белән каршылый. Линейкада изге теләкләр һәм музыкаль бүләкләр яңгырады. Беренчеләрнең, чыгарылыш сыйныф укучыларының чыгышлары аеруча күңелгә үтеп керерлек булды.