Россия Президенты Владимир Путин 2022 елдан 2031 елга кадәр Фән һәм технологияләр еллыгын үткәрү турында игълан итте.
Тематик унъеллыкның бурычы – тикшеренүләр һәм эшләнмәләр уйлап чыгару өлкәсенә талантлы яшьләрне җәлеп итү, тикшеренүчеләрне һәм уйлап табучыларны җәмгыять һәм ил үсешенең мөһим бурычларын хәл итүдә булышу, шулай ук Россия гражданнары өчен фәннең казанышлары һәм үсеш перспективалары турындагы мәгълүматның һәркем файдалана алуын арттыру. Быелдан башлап, Космос атналыгы, ел саен, Фән һәм технологияләр унъеллыгы кысаларында узачак.
Быелгы космос атнасы районыбыз мәктәпләрдә Бөтенроссия акциясе белән башланды. Бу көнне укучыларга ил космонавтикасының тарихы һәм бүгенгесе турында сөйләделәр.
Әйтик, "Юность" клубында активистлар космоска кеше очуына 65 ел тулу уңаеннан оештырылган "Гагарин. Дөньяны кочаклап" документаль фильмын карадылар. Бу хроника яшьләрне еллар аша уздырды, ләкин 1961 елның 12 апрелендәге тарихи Ю.А. Гагарин очышы кадрлары аерым бер матурлык тудырды.
Аннары, ул чорның кайтавазы сыман, "Тынычлык миссиясе" чәчәк атты – бу сәяхәттә Гагарин 46 илдә булып, ул бары тик космонавт кына түгел, ә бердәмлекнең тере символы һәм батырлык күрсәткән беренче кеше булды.
Һәр мизгелне тын да алмый карап барган балаларның күзләрендә соклану һәм горурлык чагылды, чөнки алар бөек тарихны тоемладылар.
Алар Юрий Гагарин батырлыгын искә алдылар, йолдызларга илтүче хыял турында сөйләштеләр.
Фотолар: «Юность» клубыннан
Нет комментариев